Боловсрол, соёл, шинжлэх ухааны дэд сайд Б.Ургамалцэцэг, тус яамны Төрийн нарийн бичгийн дарга Ш.Булга-Эрдэнэ нар нийлэн бусдыг зодож, гэмтээсэн гэх мэдээлэл зарим мэдээллийн сайтад нийтлэгдээд байна.

 Хэвлэлд бичсэнээр бол БСШУ-ны сайд Б.Ургамалцэцэг нь яамныхаа төрийн нарийн бичгийн дарга Ш.Булга-Эрдэнэтэй нийлэн газрын дарга Л-ыг үг хэлээр доромжлосоноос гадна зодож, үүдэн хоёр шүдийг хугалж, биеийн бусад хэсэгт гэмтэл учруулсан гэнэ.

Тодруулбал дэд сайд Б.Ургамалцэцэг нь зодооны үеэр яамныхаа газрын даргаар ажиллаж буй Л-ын гарыг барьж хорьсон төдийгүй түүний нүүр рүү цай цацсан гэх. Мөн “Алтангадасыг та нар яаж ч чадахгүй” гэх зэргээр хэлснээс үзвэл тэдний хооронд улс төрийн яриа маргаан өрнөсөн байж болзошгүй аж. Тус яамны газрын даргаар ажиллаж буй Л нь мөн Ардчилсан намын гишүүн бөгөөд МоАХ фракцид харьяалагддаг байна. 

Харин дэд сайдаас энэ талаар тодруулахад "Би хүн зодоогүй. Хүнтэй муудалцаж гэмтээсэн зүйл байхгүй" гэх мэдээллийг өглөө.