УИХ-ын Тамгын газрын Хэвлэл мэдээлэл, олон нийттэй харилцах хэлтэс, Парламентын сэтгүүлчдийн холбоо хамтран парламентын сэтгүүлчдэд зориулсан “УИХ-ын үйл ажиллагааны ил тод байдал, парламентын сэтгүүл зүй” нэртэй сургалтыг “Бага баян” амралт, үйлчилгээний цогцолборт өчигдөр (2013.10.19) зохион байгууллаа.
Сургалтад телевиз, өдөр тутмын сонин, мэдээллийн сайтын нийт 40 орчим сэтгүүлч оролцон парламентын сэтгүүлчдэд шаардлагатай байдаг бүхий л талын мэдээллийг авч, УИХ-ын даргын ахлах зөвлөх Д.Одхүү, УИХ-ын Тамгын газрын Ерөнхий нарийн бичгийн дарга Б.Болдбаатар нартай нээлттэй ярилцан санал бодлоо солилцсон юм.
Түүнчлэн УИХ-ын үйл ажиллагааны нээлттэй, ил тод байдлыг хангах талаар Тамгын газраас авч хэрэгжүүлж байгаа ажлын талаар Хэвлэл мэдээлэл, олон нийттэй харилцах хэлтсийн дарга Д.Энхтуяа танилцуулан, УИХ-ын үйл ажиллагаа, хуралдааны дэгийг зохицуулсан эрх зүйн орчны талаар Тамгын газрын Хууль зүйн үйлчилгээний хэлтсийн ахлах зөвлөх Г.Цэрэндулам сэтгүүлчдэд мэдээлэл өгсөн.
Хууль тогтоомжийн төслийг боловсруулахаас эхлээд эцэслэн батлах үе шатны тухай Хууль зүйн үйлчилгээний хэлтсийн орлогч дарга Н.Цогтсайхан сэтгүүлчдэд тайлбарлан өгч, Хэвлэл мэдээлэл, олон нийттэй харилцах хэлтсийн ахлах референт Б.Янжинлхам шинээр батлагдсан УИХ-ын үйл ажиллагааг мэдээлэх хэвлэл мэдээллийн ажилтнуудын дагаж мөрдөх журмын талаар мэдээлэл хийсэн юм.
Төрийн ордны хамгаалалт, үйлчилгээний журмын талаарх мэдээлэл ч энэ удаагийн сургалтын хөтөлбөрт багтсан. Сэтгүүлчид өөрт тохиолддог хамгаалалттай холбоотой бэрхшээлийн талаар Төрийн ордны хамгаалалтын албан ажилтантай ярилцан, “Ройтерс” агентлагийн Монгол дахь сурвалжлагч Терансетэй парламентын сэтгүүл зүйн онцлог, олон улсын жишгийн талаар санал солилцлоо.
“Сэтгүүлчийн нийгмийн үүрэг хариуцлага, ёс зүйн зарчим” сэдвээр Сэтгүүл зүй судлаач, доктор, профессор Ж.Батбаатар сонирхолтой лекц уншсан бөгөөд гадаадын парламентын сурвалжлагчдын үйл ажиллагааны жишгийн талаар АНУ-ын Конгрессын жишээнд тулгуурлан бэлтгэсэн “Үндэсний шуудан” сонины Хариуцлагатай нарийн бичгийн дарга С.Ононтуулын мэдээлэл ч сэтгүүлчдийн анхаарлыг татсан. Парламентын сэтгүүлчдийн мэдвэл зохих бүхий л мэдээллийг багтаасан энэ сургалт ихээхэн үр дүнтэй болсныг сэтгүүлчид онцолж байлаа.
Мөн сургалтад хамрагдсан бүх сэтгүүлч УИХ-ын Тамгын газрын Хэвлэл мэдээлэл, олон нийттэй харилцах хэлтсээс бэлтгэн гаргасан “Парламентын сурвалжлагчдын гарын авлага” номыг гардсан юм хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.
Сургалтад телевиз, өдөр тутмын сонин, мэдээллийн сайтын нийт 40 орчим сэтгүүлч оролцон парламентын сэтгүүлчдэд шаардлагатай байдаг бүхий л талын мэдээллийг авч, УИХ-ын даргын ахлах зөвлөх Д.Одхүү, УИХ-ын Тамгын газрын Ерөнхий нарийн бичгийн дарга Б.Болдбаатар нартай нээлттэй ярилцан санал бодлоо солилцсон юм.
Хууль тогтоомжийн төслийг боловсруулахаас эхлээд эцэслэн батлах үе шатны тухай Хууль зүйн үйлчилгээний хэлтсийн орлогч дарга Н.Цогтсайхан сэтгүүлчдэд тайлбарлан өгч, Хэвлэл мэдээлэл, олон нийттэй харилцах хэлтсийн ахлах референт Б.Янжинлхам шинээр батлагдсан УИХ-ын үйл ажиллагааг мэдээлэх хэвлэл мэдээллийн ажилтнуудын дагаж мөрдөх журмын талаар мэдээлэл хийсэн юм.
Төрийн ордны хамгаалалт, үйлчилгээний журмын талаарх мэдээлэл ч энэ удаагийн сургалтын хөтөлбөрт багтсан. Сэтгүүлчид өөрт тохиолддог хамгаалалттай холбоотой бэрхшээлийн талаар Төрийн ордны хамгаалалтын албан ажилтантай ярилцан, “Ройтерс” агентлагийн Монгол дахь сурвалжлагч Терансетэй парламентын сэтгүүл зүйн онцлог, олон улсын жишгийн талаар санал солилцлоо.
Мөн сургалтад хамрагдсан бүх сэтгүүлч УИХ-ын Тамгын газрын Хэвлэл мэдээлэл, олон нийттэй харилцах хэлтсээс бэлтгэн гаргасан “Парламентын сурвалжлагчдын гарын авлага” номыг гардсан юм хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.
