МАН-ын 27-р Их хурал ирэх ням гаригт болно. Их хурлаар намын дүрмийн өөрчлөлт, бүтцийн өөрчлөлт, намын даргаа солихоос эхлээд чамгүй олон асуудал хэлэлцэнэ. Одоогийн байдлаар намын даргад Н.Энхболд, М.Энхболд гэсэн хоёр хүн нэр дэвшинэ гэсэн албан бус мэдээлэл байгаа. Мөн УИХ-ын гишүүн Ж.Энхбаяр намын даргад нэр дэвшинэ гэдгээ мэдэгдээд байгаа.

Тэгвэл эдгээр гурван хүнээс гадна МАН-ын “Шинэчлэлийн хороо”-ны ерөнхий зохицуулагч, МАН-ын Бодлогын зөвлөлийн дарга, Бага хурлын гишүүн Т.Аюурсайхан нэр дэвшиж байгаа нь энэ аж.

МАН-ын “Шинэчлэлийн хороо”-ныхон намын Их хурлаас өмнө 21 аймгаар явж, орон нутаг дахь намын дунд болон анхан шатны байгууллагын ажилтай танилцаж, 12.000 гаруй намын гишүүн дэмжигчидтэйгээ уулзан 5.200 гаруй иргэнээс бичгээр санал авчээ.

Иргэд сонгогчид, гишүүд дэмжигчдийн итгэл санаачлагаар намын шинэчлэлийг гүнзгийрүүлэх, улс төр дэх шударга ёсыг хөхүүлэх, зөв бодит ардчиллыг намдаа хөгжүүлэх, намын дотоодод олон ургалч үзэл, чөлөөт өрсөлдөөнийг дэмжих, улс төрийн түүчээчлэлийг үргэжлүүлэх үүднээс ийнхүү МАН-ын даргад өөрийн хүнээ нэр дэвшүүлж байна гэдгээ "Шинэчлэлийн хороо"-ныхон хэлсэн юм.

Т.Аюурсайханы товч намтар

1975 онд Улаанбаатар хотод төрсөн.

Ам бүл 5. Эхнэр хүүхдүүдийн хамт амьдардаг.

Боловсрол
1983-1993 Нийслэлийн 23
дугаар дунд сургууль.
1994-1999 Турк улсын Докуз Ейлүл их сургууль эдийн засагч мэргэжлээр төгссөн.
2004    Киргиз улсын Бишкек хотод судалгааны арга зүйн чиглэлээр
мэргэжил дээшлүүлсэн.
2004-2006 Сөүлийн Үндэсний их сургуулийг олон улсын хамтын ажиллагааны магистр, Японы Олон улсын их сургуулийг олон улсын хөгжлийн эдийн засгийн магистрын зэрэгтэй дүүргэсэн.
Эдийн засгийн ухааны докторант.
Англи, орос, турк, япон, солонгос хэлтэй.

Ажлын туршлага

2000-2005 Аста Пресс ХХК-д Ерөнхий захирал
2006    Баярсконстракшн ХХК-д эдийн засгийн зөвлөх
2006-2009 Монгол Улсын Ерөнхийлөгч асан Н.Багабандийн шадар туслах
2008-    2012    Чингэлтэй дүүргийн ИТХ-ын төлөөлөгч, тэргүүлэгч, ИТХ-ын Экологи, байгаль орчин, тохижилт, үйлдвэрлэл, үйлчилгээний хорооны дарга
2012    Чингэлтэй дүүргийн Засаг дарга

Намын ажлын туршлага

2001    Монгол Ардын Намд элссэн.
2009-    2012    Монгол Ардын Намын УЗ-ийн ХЭГ-т улстөрийн ажилтан, Ерөнхий нарийн бичгийн даргын зөвлөх
2008-    2013    Чингэлтэй дүүргийн МАН-ын хорооны гишүүн
2009-    2013    Нийслэлийн МАН-ын 95-р үүрийн дарга, тэргүүлэгч
2009-    2013    Нийслэлийн МАН-ын Хяналтын хорооны гишүүн
2010-    2013    МАН-ын Бага хурлын гишүүн
2012-2013 МАН-ын Шинэчлэлийн хорооны Бодлогын зөвлөлийн дарга

Гавьяа шагнал

2009    Нийслэлийн 370 жилийн ойн медаль
2010    Монгол Ардын Намын Хүндэт тэмдэг
2010    Хөдөлмөрийн хүндэт медаль
2011    Ардын хувьсгалын 90 жилийн ойн медаль