УИХ-ын гишүүн асан Ш.Сайхансамбуу намынхаа 27-р Их хуралд оролцох хүсэлтэй байсан ч төлөөлөгчдийн тоонд багтаж чадсангүй. Тэрбээр өөрийнх нь "Нарантуул" зах байдаг Баянзүрх дүүргийн 14-р хорооноос сонгогдоё гэж байсан ч Нийслэлийн МАН-ын хорооны дарга Ц.Сандуй түүнийг дэмжилгүй, өөрийн талын хоёр хүнийг гаргажээ.
   Энэ тухайд Ш.Сайхансамбуу "Баянзүрх дүүргийн намын хорооны даргатайгаа яриад саналаа хэлсэн, дэмжсэн. Их хурлын төлөөлөгчийг сонгох хурал товлогдоод байтал өглөө нь хорооны дарга надад утсаар хэлсэн, “Хурлыг “Нарантуул”-ын улаан буланд хийхгүй боллоо. Дүүргийн намын хороонд хийхээр боллоо. Нөгөө асуудал миний мэдлээс давсан шүү” гэсэн. Ц.Сандуйгийн зүгээс гаргах гэж зүтгүүлсэн хоёр нь гарсан байна билээ" гэжээ. Өмнө нь тэрбээр 2012 оны УИХ-ын сонгуульд нэр дэвших хүсэлтэй байсан ч намын гишүүд нь санал өгөөгүй юм. Нэгэнтээ УИХ-ын гишүүн байсан тэрбээр одоо намынхаа Их хуралд ч сонгогдож чадахгүй болжээ.