Өнөөдөр МАН-ын одоогийн Бага хурлын сүүлчийн хурал болох гэж байна. Учир нь тус намын дүрмээр Их хурал хуралдахаар Бага хурлын бүрэн эрх дуусдаг аж. Тэгээд Их хурлынхаа дараа шинэ Бага хурлыг байгуулах гэнэ.

Тиймээс МАН-ын Их, Бага хурал тойрсон элдэв яриа таамаг газар авч байна. Хамгийн сүүлчийн байдлаар МАН-ын үе үеийн удирдлагууд шинэ даргынхаа талаар нэгдсэн байр суурьт хүрч чадаагүй гэнэ. Учир нь М.Энхболдыг Сү.Батболд, Ө.Энхтүвшин тэргүүтэй хүмүүс дэмжиж байгаа аж. Харин Б.Даш-Ёндон, Н.Багабанди, С.Баяр тэргүүтнүүд Н.Энхболдын төлөө бооцоо тавьж байгаа сураг гарлаа. Өөрөөр хэлбэл сүүлийн үеийн бүх удирдлагууд нь гурав гурваараа хуваагджээ. Энэ намд тохиолдлын зүйл гэж байдаггүй учир хуучин дарга нарын байр суурь бүхий л томилгоонд чухал нөлөөлөл үзүүлдэг. Энэ удаа ч уламжлалаа хадгалах нь тодорхой байна.

Үүний зэрэгцээ Н.Багабандийн туслах Т.Аюурсайхан гэгч залуу өөрийгөө МАН-ын даргад нэр дэвшүүлээд байгаа. Үүнийг нь сонссон Н.Багабанди нэгэн цагт туслахаараа ажиллаж байсан Т.Аюурсайханыг дэмжихгүй гэж хэлсэн мэдээлэл байна. Бас “боловсроогүй залуу” гэж нэмж тодорхойлсон сураг МАН-ын цагаан байраар тэнэж байна. Ийнхүү Ерөнхийлөгч асан Н.Багабанди туслахаа дэмжихгүй нь. Харин түүний дэмжих нэр дэвшигч нь нутаг гарвал нэгтэй Н.Энхболд болж таарав.

Энэ мэтээр МАН-ын Их хурлыг тойрсон шинэ содон мэдээ өдөр бүрээр нэмэгдэж байна.