МАН-ын 27-р Их хурал үргэлжилж байна. Энэ удаагийн хурлаар намын шинэчлэлийн асуудлыг голлон авч хэлэлцэж байгаа. Тэгвэл намын шинэчлэлийн асуудлаар МАН-ын Их хурлын төлөөлөгч, Ерөнхий сайд асан С.Баяраас  зарим зүйлийг тодрууллаа.

- Энэ удаагийн Их хурлаар намын шинэчлэлийн асуудлыг голлон ярьж байна. Ер нь та намаа шинэчлэгдэж чадна гэж бодож байна уу?. 27-р Их хурлаас юуг хүлээж байна вэ?

  -Шинэчэлье л гэж хуралдаж байна. Чадна л гэж цугларсан.  Энд цугласан төлөөлөгч нар өнгөрсөн хугацаанд намаас хийсэн ажлыг бодитойгоор дүгнэхээр ирсэн. Бидний ажлын болж буй зүйл нь юу байна. Болохгүй зүйл нь юу байна, бид яагаад сүүлийн сонгуулиудад дараалан амжилтгүй оролцов, улс орны хөгжил хувь заяанд манай нам цаашдаа ямар тодорхой үүрэгтэй оролцох юм гэх мэт асуудлуудыг хэлэлцэхээр төлөөлөгч нар цугласан байгаа. Их хуралд олон төлөөлөгч цугласан байгаа. Жаахан ярилцана даа бид.

- Хөгжлийн хөтөлбөр, намын шинэчлэлийн асуудлаар хамгийн эхэнд юу ярих ёстой гэж бодож байна вэ?

- Маш олон асуудал байна. Намын бодлого хөтөлбөрөөрөө тодорхойлогддог. Бид улс төрийн байгууллагын хувьд дотроо ямар дүрэм, журамтай байх ёстой юм гэдгээ ярина. Алдаа дутагдлаа ярина. Олон асуудал байна аа, байна.

- Энэ удаагийн хурлаар намын даргыг солино. Та үүн дээр ямар байр суурьтай байгаа вэ?

- Намын Их хурлын онцгой бүрэн эрхэд байдаг асуудал бол удирдлагын асуудал байгаа. Намын удирдлагуудад хамгийн эхэнд дарга орно. Мөн дараагийн Их хурал болтол намын дээд байгууллага болж ажиллах Бага хурлын бүрэлдэхүүний асуудал байна. Намын Бага хурал бүрэлдсэний дараа анхныхаа хуралдааныг хийж бусад удирдлагуудыг сонгодог дүрэмтэй. Хуралдаж байна. Дэнсэлдэг цаг нь ч, дэнсэлдэг газар нь мөн. Дэнслэх хэмжээний бүрэлдэхүүн ч их хуралд цугларсан байна. Намын удирдах зөвлөл, нарийн бичгийн дарга гэх мэт. Одоо зохион байгуулалтын ажлыг гарцаагүй заавал хийх цаг нь болсон.

- Хамгийн түрүүнд шинэчлэгдэх шаардлагатай ямар ажил байна гэж харж байна вэ?

- Бүх зүйлээс эхлэх ёстой. Үйл ажиллагаа, намын дүрэм, бодлогын бичиг баримтууддаа дутуу туссан зүйлүүдээ нэмэх ёстой гэх мэт. Намын шинэчлэл нь ганц асуудал биш юм. Дор хаяж 4-5 асуудлыг шийдэж байж цогцоор нь шинэчилнэ гэж ярих ёстой юм.

- Таныг намын даргад заалнаас нэр дэвших магадлалтай гэж хүмүүс ярьж байна. Та үүнд ямар байр суурьтай байгаа вэ?

- Намын даргад нэр дэвших асуудлыг ярьж эхлээгүй байна. Намын Их хурал бүр дээр болдог зүйл л болох байх. Шударга өрсөлдөөн болоосой гэж хүсч байна. Миний хувьд асуудал тодорхой байгаа. Би намын даргыг хийж байсан хүн. Тийм учраас нэг урсгалд хоёр ордоггүй. Цагийн юм цагтаа бусаддаа бололцоо олгоно.
МАН-ын XXVII их хурал үргэлжилж байгаа энэ үед Ерөнхий сайд асан С.Баяраас байр суурийг нь сонсслоо.

  -Ө.Энхтүвшин дарга илтгэлдээ өнгөрсөн хугацаанд МАН-ын үйл ажиллагаанд алдаа их байсан тухай дурдсан. Та үүнтэй санал нэг байна уу?

-Ажил хийж байгаа хүн алдаа гаргахгүй байна гэж байхгүй шүү дээ. Гэхдээ яаж дүгнэхээс шалтгаалах байх. Сүүлийн сонгуулиадад МАН амжилт муутай оролцоод байгаа учраас алдаа байгаа л гэсэн үг.