МАН-ын 27-р Их хурлын салбар хуралдаанууд болж байна. Мөрийн хөтөлбөрийн нэмэлт өөрчлөлт болон "Монгол Улс 2021: Хөгжлийн зорилтууд" бодлогын бичиг баримтыг хэлэлцэх салбар хуралдаан Тусгаар тогтнолын ордны 300-гийн танхимд болж байгаа юм.

  УИХ-ын гишүүн, МАН-ын УЗ-ын гишүүн С.Бямбацогт "Монгол Улс 2021: Хөгжлийн зорилтууд" бодлогын бичиг баримтын ажлын хэсгийг ахалж байна. Тэрбээр хэлэлцүүлгийн эхэнд илтгэл тавихдаа "МАН бодлоготой хөгжих талаар энэ удаагийн их хурлаар нэлээд нухацтай авч хэлэлцлээ. Өмнө нь ч энэ тухай ярьдаг байсан. Гэхдээ өнөөдөр бодлогоо иргэддээ хүргэдэг байх, бодлогоо тогтвортой, тасралтгүй чанартай болгоход анхаарч байна" гээд энэхүү бичиг баримтыг үндэсний хэмжээний бодлогын баримт болгох талаар ярисан байна.
    "Монгол Улс 2021: Хөгжлийн зорилтууд" бодлогын баримт бичигт 8 чиглэлээр 92 зорилтыг дэвшүүлэн тавьжээ.