МАН-ын даргад анх М.Энхболд, Н.Энхболд, Ж.Энхбаяр, Т.Аюурсайхан, Ө.Энхтүвшин нарын нэрийг дэвшүүлсэн. Тэгвэл одоо М.Энхболд, Т.Аюурсайхан гэсэн хоёр өрсөлдөгч үлдлээ. Учир нь дөнгөж сая МАН-ын дарга Ө.Энхтүвшин мөн нэрээ татлаа. Түүнээс өмнө Н.Энхболд, Ж.Энхбаяр нар өрсөлдөхгүй гэдгээ мэдэгдсэн юм.Ө.Энхтүвшин "Намын даргын ажлыг би жилийн өмнө авсан. Сонгуулиудын үр дүн тааруу гарсан. Бүх юм муу бгаагүй ч амаргүй байлаа. Намын дарга болоход бүлэггүй байлаа. Одоо бүлэгтэй болоод ажил жигдэрч байна. Манай нам УИХ-ын сонгуульд 31%, орон нутгийн сонгуульд 40%, Ерөнхийлөгчийн сонгуулиар 42% санал авлаа. Хариуцлага гэж ярьж байгаа бол өөрөөсөө эхлэх хэрэгтэй гэж үзээд асуудлаа тавьсан" гээд нэрээ татсан юм.
Сэтгэгдэл (6)