“Алтан Дорнод Монгол” компанийн захирал асан С.В.Паушок хэмээх тэнэмэл эр үе үехэн Монголын улс төрчдийг хэвлэлээр  ангуучилдаг болов. Тэрээр өнгөрсөн жил алдарт “Форбес” сэтгүүлд “Монгол нутаг С.Баяр шиг муу хүнийг төрүүлээгүй” гэсэн утгатай сурвалжлага өгсөн нь манай сайтад орчуулагдан гарсан.
   Харин тэрээр саяхан УИХ-ын гишүүн Ц.Нямдоржийн нотолж байгаагаар  Эдийн Засгийн хөгжлийн дэд сайд О.Чулуунбатын дэмжлэгтэйгээр ээлжит гүтгэлэгээ тараалаа. Гэхдээ “Форбес”-т биш Монголын нэгэн телевизэд. С.Баяраас эхлээд Сү.Батболд, Ц.Нямдорж гээд олон тооны улс төрчдийг гүтгэхэд яриагаа чиглүүлжээ.

   Хилийн чинадаас Монголын улс төрчдийг гүтгэн доромжилж монголыг монголынх нь эсрэг болгох гэсэн түүний бодлогын цаана юу нуугдаж байна вэ гэдэг анхаарал татах болов. Монголчууд түүний муулснаар улс төрчдөө үзэн ядаад байх нь юу л бол. Тэгээд ч С.ВсПаушок хэмээх орос Монголын байгалийг там болгочихоод, хамаг баялагийг нь цөлөмчихөөд татвараа төлөөгүйгээс асуудал үүссэн байдаг. Эцэст нь Монголоос зугтаж гарсан юм.
Түүнийг одоогийн Эдийн Засгийн дэд сайд асан О.Чулуунбатын тусламтайгаар Монголын хийлийн дээсийг алхсан гэсэн хардлага байдаг. Өөр нэг эрхэм О.Чулуунбатын дэмжлэгээр Монголын хилийг давж хууль хүчний байгууллагынхныг ард түмэнтэй нь доромжилсон. Тэр бол Жорж Чалмерс хэмээх америк эр. О.Чулуунбатыг Монгол банкны ерөнхийлөгч байх үед Монгол банкнаас баталгаа гаргуулан орон сууцны моргежийн зээл гаргах нэрээр залилан хийсэн асуудлаар шалгагдаж байгаад зугтаж явсан. Энэ бүхнээс харвал О.Чулуунбат яагаад гадныхныг дэмжээд, асуудалд ороод шалгагдаад ирвэл нууцаар хэл давуулж явуулахад нь тусалдаг уу гэсэн хардлага урган гарч байна. Хэрэв үнэн бол ихээхэн ноцтой хэрэг болж хувирна.

    Үүнээс өөр нэгэн ноцтой асуудал байгаа нь Монголын хуулийнхнаас бултаж явсан этгээд монголчуудыг хооронд нь бутаргах ажиллагааг зохион байгуулж байна. Үүнд нь Ц.Нямдоржийн тайлбар үнэн бол О.Чулуунбат бас яагаад тусалдаг вэ гэсэн асуудал урган гарч ирж байна. Удахгүй Чалмерс хэмээх оргодол америк Монголын улс төрчдийг гүтгэн гүжирдвал гайхах зүйл алга болов.

    Сонирхолтой нь УИХ-ын гишүүн Ц.Нямдоржийн тайлбарийн хариу болгож Эдийн Засгийн хөгжлийн дэд сайд О.Чулуунбат “Ц.Нямдорж бид хоёрт гаднаас хар цагаан өнгөтэй мөнгө оруулж ирэх нь ямар хамаа байна аа” гэсэн утгатай сонирхолтой тайлбар хийсэн нь олон нийтийн анхаарлыг татаад байна. Гаднаас хар цагаан мөнгө орж ирэх нь Ц.Нямдоржид битгий хэл бүх ард түмэнд хамаатайг О.Чулуунбат мэдэхгүй яваад байх шиг.