Дөнгөж сая Ерөнхий сайдын Н.Алтанхуягийн пүрэв гараг бүр хийдэг “Ерөнхий сайд-30 минут” уулзалт болж өнгөрлөө. Тэрээр уулзалтын эхэнд БНХАУ-д хийсэн айлчлалынхаа талаар мэдээлэл хийсэн юм.

Монгол Улсыг хөдлөн гарч байгаа хоёр дахь төмөр зам зүүн талаар холбогдохоор болсон бөгөөд ингэснээр манай улсын ачаа бараа эргэлтийн гарц нэмэгдэхийг ч онцолж байлаа.

Тэрээр үргэлжлүүлэн "Улаанбаатар хотод гурван улсын зөвлөгөө хийхээр болсныг  Хятадын тал хүлээн зөвшөөрсөн. Ирэх 2014 онд Монгол-Хятад хоёр улсын хооронд дипломат харилцаа тогтоосны 65 жилийн ой болно. Тиймээс ирэх оныг хоёр улс иргэд хоорондын харилцааг нэмэгдүүлэх, хүмүүнлэг, соёл, урлагийн жил болгон зарлаж байгаа" гэлээ. 

Түүнчлэн одоогоор БНХАУ-ын засгийн газар жилдээ 300 орчим оюутныг тэтгэлэгээр сургадаг байсныг 1000 болгож нэмэгдүүлэхээр болсон тухайгаа Ерөнхий сайд тайлагналаа.