Ерөнхий сайд Н.Алтанхуяг УИХ-ын чуулганд мэдээлэл хийлээ. Тэрбээр  Чингис бондын 1,5 сая доллар буюу 2,1 их наяд төгрөгөөр санхүүжин хэрэгжиж байгаа төслүүдийг  танилцууллаа. Авто зам, дэд бүтэц, эрчим хүч, техник шинэчлэл, барилгын материал, орон сууц зэрэг салбарын 204 төсөлд 2 их наяд төгрөгийн санхүүжилт батлагджээ. Үүнээс 10-р сарын 29-ны байдлаар 930 тэрбум төгрөгийн санхүүжилт хийсэн байна.

1. Авто замын төсөл. Нийт 1800 гаруй км замд Чингис блондын мөнгөнөөс зарцуулахаар төлөвлөсөн. "Гудамж" төслийн хүрээнд 18 уулзварыг энэ онд барина. Мөн ирэх 2014 онд 15 шинэ уулзвар ашиглалтанд орно.  Нийт 33 уулзвар, зарим зам, хурдын замд 200 орчим сая төгрөг  төсөвлөсөн. Одоогоор 34 тэрбум төгрөг зарцуулжээ.

2. Дэд бүтэц. Энэ салбарт 416 тэрбум төгрөг шаардлагатай гэж үзсэнээс Чингис бондны мөнгөөс 214 тэрбум төгрөг гарасан. Гэр хороололын 12 барйлалд дахин төлөвлөлт хийхэд 80 тэрбум, Улаанбаатар хотод орон сууцны  дэд бүтцийн шугамд 120 тэрбумыг зарцуулна. Нийт 416 тэрбумыг төлөвлөснөөс 200 тэрбум гаруй төгрөгийг хэрэглэсэн байна.

3. Техник, инженерийн төсөл. ҮХАА-н яамнаас сүү, ноос, ноолуур зэрэг таван чиглэлийн төсөл хэрэгжүүлнэ гэж байгаа. Үүнд 274 тэрбум төгрөгийн зээлийн эх үүсвэрийг энэ чиглэлийн компаниудад олгоно. Техник тоног төхөөрөмжөө сайжруулах юм. Ойрын 5 жилд үйлдвэрлэлээ 10 дахин өсгөнө гэсэн төслүүд байгаа. Одоогоор 44 тэрбум төгрөгийг олгоод байна. Гэхдээ аж ахуй нэгжүүдэд нийт төсөвт өртөгийн гуравны нэгнийг нь л Чингис бондоос гаргах юм.

4. Шинэ төмөр зам төсөл.  Таван толгойгоос Гашуун сухайт хүртэл төмөр зам барихад Монголын талаас гаргах хөрөнгийг 400 орчим сая доллар гэж тооцоолсон. Энэ жил 216 тэрбум төгрөг гарчихаад байна. Таван толгой төсөл дээр Монголын талаас 50 сая доллар гаргана. Бусад сонирхогч, хувийн аж ахжйн нэгжүүд дээр нь хөрөнгөө оруулах юм.

7. Байшин үйлдвэрлэх комбинатын төсөл. Жилдээ 500 айлыг босгож чадах комбинатыг босгох төслийн төсөв нь 24 сая доллар. Түүний гуравны нэг болох 70 сая долларын зээл өгөөд байгаа. Энэ хавраас жилд 5000 орон сууц босгох үйлдвэр комбинатын төсөл эхэлнэ.

8. Орон сууцны барилгыг дэмжих төсөл. Энэ төсөлд 100 сая хүртэл доллар зарцуулна. 64 тэрбум төгрөг гаргаад байгаа.  Буянт-Ухаагийн орон сууцны хороололд 64 тэрбум гаргасан.

9. Төмөрлөгийн үйлдвэрийн төсөл. "Бэрэн", "Монлаа" зэрэг дөрвөн компанийн нийлсэн төмөрлөгийн нойтон баяжуулах үйлдвэр барих төслийг Чингис бондын мөнгөөс дэмжих болсон байна.