МАН-ын ерөнхий нарийн бичгийн даргаар Ж.Мөнхбат томилогдсон. Харин тэрбээр ажлаа авсныхаа дараахан хэвлэлд ярилцлага өгөхдөө "Хүнд хэцүү үед зугтсан хүмүүсийг дэмжихгүй. Хүнд хэцүү үед намынхаа төлөө зүтгэсэн хүмүүсийнхээ төлөө ажиллана" хэмээн мэдэгдлээ. Үүнд намын зарим гишүүд нь ундууцаж эхлээд байна. Учир нь намын Ерөнхий нарийн бичгийн дарга гэдэг бол намын эв нэгдэл, дотоод ажлыг хариуцдаг хүн. Тэгсэн хэрнээ заримыг нь дэмжинэ, заримыг нь дэмжихгүй гэж ярьж байгаа нь зохисгүй хэрэг гэж үзэж байгаа аж. Ж.Мөнхбатын хэлсэн энэ үг МАН доторх хагарлыг харуулж буй гэх хүн ч байгаа юм.