Монгол бахархлын өдөр буюу өнөөдөр Ерөнхий сайд асан Д.Содном гуайд “Чингис хааны одон” гардуулсан билээ. Энэ ёслолд оролцсон Ерөнхийлөгч асан, Чингис хааны одонт Н.Багабанди сэтгэгдлээ хуваалцлааӨнөөдөр монгол хүн бүр эх орноороо бахархах хэрэгтэй. Баатарлаг түүхээр нь төдийгүй минийх гэдгээр нь хүн болгон эх орноороо бахархах хэрэгтэй. Хүн өөрийнхөө нүдийг шороо орчих вий гэж хамгаалдгийн адил эх орноо өөрийнх гэдгээр нь хамгаалж, бахархаж байх хэрэгтэй. Халуунд нь халж, хүйтэнд хөрж, бороонд норж, цасанд даруулж олон зууны турш Монгол түмнийг тэжээж ирсэн малчин түмнээрээ бахархах хэрэгтэй.
Шороонд даруулж наранд халж, газартай харьцаж яваа яруу алдарт тариаланчид, механикжуулагчид, ногоочдоороо бахархах хэрэгтэй. Монгол хүн бахархаж болох бүх зүйлээрээ өнөөдөр бахархах өдөр. Баатарлаг өвөг дээдсээрээ бахархах хэрэгтэй. Хүн болгон “Би чадна” гэсэн омогшлоор бахархлын өдөр юу хийж чадахаа, юу бүтээх тухайгаа бодох өдөр юм. Монголын хүүхэд залуус “Би эх орноо дэлхийн хамгийн сайхан улс болгоно” гэсэн өөдрөг тэмүүллээр ажиллаж, амьдрах хэрэгтэй.
Би чадна гэсэн өвөг дээдсийнхээ тэр сайхан уламжлалаар залуу насны үзэл, төлөвшлийг бий болгож, сайн сайхан амьдрал, хөгжил дэвшлийн төлөө хүн бүр санаа сэтгэл нийлэн урагшаа алхах хэрэгтэй юм.
Сэтгэгдэл (5)