МАН-ын XXVII Их хурлын дуулиан шуугиан ид хүчээ авч эхлэх гэж байна. Учир нь энэ хурал МАН-ыг бодитойгоор хоёр хуваах эхлэлийг тависан гэж олон эх сурвалжууд мэдээлэх болсон.
    Ямар ч гэсэн Улаанбаатарчуудын аазгайг хөдөлгөдөг “хотын” гэсэн бүлэглэл МАН-ын удирдлагад гарсанд олон иргэн бухимдалтай явна. Түүний нэг нь иргэн Б.Лхагважав юм. Тэрээр намын удирдлагад ийм хүмүүс гарч байгаад бухимдан “М.Энхболд даргаа, Монголын ард түмэн олон гудамжаар Сүхбаатарын талбайд очдог болсон шүү. Та бүхэн нэг гудамжинд нь зогсож ард түмэнтэй уулзаад аргалаад саналыг нь авдаг цаг өнгөрсөн шүү” гэсэн утгатай үгийг Их хурлынхаа төгсгөлд хэлсэн байна. Үнэхээр ард түмэн Сүхбаатарын талбайд олон гудамжаар хүрдэгийг МАН-ын шинэ удирдлага мэдэхгүй байгаа бололтой.