Өнгөрсөн нэг жилийн хугацаанд маргаантай байсан Увс аймгийн сонгуулийн хэрэг шүүхээр эцэслэгдсэн бөгөөд шүүхээс тус маргааныг Сонгуулийн ерөнхий хороо /СЕХ/ эцэслэн шийдэх ёстой гэсэн шийдвэрийг гаргасан талаар АН-аас мэдэгдсэн билээ. Тиймээс АН-аас нэр дэвшигчид СЕХ-нд өнгөрсөн есдүгээр сарын 13-нд гомдол гаргасан бөгөөд СЕХ-оос одоог болтол энэ асуудалд ямар нэгэн хариу өгөөгүй байгаа юм.

Учир нь АН-ын зүгээс СЕХ-нд өргөдлөө албан ёсоор өгөх ёстой юм байна.

 Тиймээс АН-ын зүгээс Увсын сонгуулийн маргааны асуудлаар өнөөдөр СЕХ-нд өргөдлөө өгсөн байна.

Харин СЕХ өргөдөл өгснөөс хойш 30 хоногийн дотор асуудлыг шийдвэрлэх ёстой аж. Хэрвээ дахин шалгах шаардлагатай бол хоёр сарын дараа ямар нэгэн шийдвэрийг гаргах юм байна.