Өнөөдөр МАН-ын дарга М.Энхболд ард иргэд, намын гишүүд, дэмжигчидтэйгээ Тусгаар тогтнолын ордонд нээлттэй уулзаж, ярилцлаа.

МАН-ынхан долоо хоног бүрийн мягмар гаригийн 15.00 цагт Тусгаар тогтнолын ордонд иргэд сонгогчидтойгоо нээлттэй уулзалт хэлэлцүүлэг зохион байгуулахаар болсон билээ. Уг өдрийг МАН нээлттэй өдрөөр зарлаж байгаа юм.
 
Монгол Ардын намынхан ийнхүү долоо хоног бүрийн мягмар гаригт ард иргэдээ нээлттэй хүлээн авч уулзаж байхаас гадна, нийслэлийн есөн дүүрэг, хөдөө орон нутагт очиж, XXVII Их хурлын бодлого, шийдвэрийг гишүүд, дэмжигчиддээ танилцуулах юм байна. Мөн улс орны нийгэм эдийн засгийн нөхцөл байдлын талаар ч иргэдтэй уулзаж ярилцах нэг сарын аян өрнүүлэхээр төлөвлөөд байгаа аж.

 Улс эх орныхоо хөгжил дэвшилд хувь нэмрээ оруулахын тулд санаа бодлоо нэгтгэн, хамтарч ажиллах болж буйд уулзалтад ирсэн иргэд, гишүүд, дэмжигчид сэтгэл өндөр байгаа гэнэ.