Ирэх оны төсөвт нэг ам.долларыг 1384 төгрөг байхаар төсөөлсөн төслийг УИХ-ын чуулганд оруулж ирсэн. Үүнийг иргэд болон УИХ-ын гишүүд шүүмжилж байна. УИХ-ын чуулган үеэр Ж.Энхбаяр гишүүн "Доллар өнөөдөр 1745 төгрөг байхад ирэх жил 1384 болон гээд Б.Батбаяр сайд оруулж ирсэн байна. Хэрэв энэ чигээр нь явуулбал зөвхөн гадаад өрөө доллараар төлөхөд л 140 тэрбум төгрөгийн зөрүү гарч байна. Энэ зөрүүг яах вэ? Нэмж төсөвт сууж байгаа төслүүд санхүүгийн эх  үүсвэргүй болоод байна шүү" гэв. Үүнд УИХ-ын дарга З.Энхболд "Жил болгон долларын ханшийг төсөвт байгаагаар нь оруулж ирдэг. Тийм бодитой биш төсөөллийн зүйл байж болохгүй. Байнгын хороо энэ ханшийн зөрүүний асуудлыг гургавдугаар хэлэцүүлэг дээр оруулж ирэх хэрэгтэй" гэлээ.

Т.Гэрэл