Монгол, Оросын хувь нийлүүлсэн "Улаанбаатар төмөр зам"-ын даргын үүрэг гүйцэтгэгчээр ажиллаж байсан Г.Сэрээнэндоржийн бүрэн эрхийг хоёрдугаар сар хүртэл сунгасан. Энэ хугацаа дуусахаар дахин "Улаанбаатар төмөр зам"-ын даргын албан тушаалд хэн очих вэ гэдэг асуудал яригдаж эхэлнэ. Уг нь 11-р сарын 06-нд болсон хурлаар Оросын тал Г.Сэрээнэндоржийн ажлын тайланг сонсоод жинхэлж, даргаар ажиллуулах бүрэн боломжтой гэсэн санал өгчээ. Сонирхолтой нь Г.Сэрээнэндоржийг жинхлэхийг Монголын тал буюу Зам тээврийн яамны газрын дарга Ё.Манлайбаатар, УБТЗ-ын ҮЭХ-ны дарга Х.Эрдэнээ нар татгалзсан аж. Монголын талынхан Г.Сэрээнэндоржийг жинхлэх асуудлыг хойшлуулж, 2-р сар хүртэл үүрэг гүйцэтгэгчээр ажиллуулах саналаа зөвшөөрүүлж чадсан байна. Энэ нь Монголын талынхан УИХ-ын гишүүн асан Д.Одхүүг "Улаанбаатар төмөр зам"-ын дарга болгох гэсэн лоббитой холбоотой гэж эх сурвалж мэдээллээ. Оросын тал зөвшөөрсөн ч манайхан ийнхүү дарга болох бүрэн боломжтой хүнийг "чангааж", Д.Одхүүгийн төлөө зүтгэж байгаа бололтой.