Ерөнхийлөгчийн хуулийн бодлогын зөвлөх Ч.Өнөрбаяр цэцийн гишүүдийг шүүмжилсэн нь олон түмнийг ярианы сэдэв болж байна. Тэрбээр "Цэц зөвхөн хуулийн үг, үсгэнд л захирагддаг. Гэтэл цэц хуулийн үг, үсгэнд захирагддаг биш Үндсэн хуулийнхаа үзэл санаанд нийцүүлж асуудлыг шийддэг байх ёстой.  Мөн цэцийн гишүүд мэдлэг боловсрол, онолын хувьд ч хоцрогджээ.Ер нь шүүхийн шинэтгэлийн бодлого Үндсэн хуулийн Цэц рүү ямар нэгэн байдлаар орохгүй бол болохгүй болсоныг харуулж байна. Тэгэхгүй бол цэцийн гишүүд гээд есөн хүний ноёрхол нийгэмд тогтож магадгүй дүр зураг харагдаж байгаа. Уг нь Үндсэн хуулийн Цэц нь хаягдсан улстөрчдийн цуглуулга байдаггүй. Улс төрийн мэдлэг, улс орны асуудлыг томоор харж чаддаг мэдлэг, зангарагийг шаарддаг байх ёстой" гэв.