Хэнтий аймгийн төв, Өндөрхаан хотын нэрийг Чингис болгож өөрчлөх шийдвэрийг тус аймгийн ИТХ-аас гаргасан. Ингэж нэрээ өөрчлөхийг ганцхан ИТХ шийдэхгүй, Засгийн газрын хурал, УИХ-ын чуулганаар хэлэлцэж байж шийдвэрлэх юм. Гэтэл  хэнтийчүүд аймгийн төвийнхөө "Өндөрхаан" гэсэн хаягийг өөрчлөхөөр яаран буулгаж эхэлжээ.
   Нийгэмд маргаан дагуулаад буй энэ саналыг Засгийн газар, УИХ-д өргөн бариагүй байхад ИТХ нь "Өндөрхаан" нэрийг сольж эхэлсэн нь шүүмжлэл өртөөд байна.