Өнөөдөр Монгол Улс анхдугаар үндсэн хуулиа баталж, Бүгд найрамдах засаглал тогтоосоны 89 жилийн ойн өдөр тохиож байна. 1990 оноос хойш өмнө нь дэлгэгддэггүй байсан түүхийн олон хуудас нийтэд ил болж, хийж чадахгүй зүйлээ хийдэг болсоны нэг нь энэ өдрийг хэнээс ч айж ичихгүйгээр тэмдэглэн өнгөрүүлдэг болсон явдал. 2003 оноос арваннэгдүгээр сарын 26-ныг бүх нийтээр тэмдэглэх баярын өдөр болгон хуульчилсан юм. Харин АН эрх барьж эхэлсэн үе буюу нэг жилийн өмнөөс уг өдрийг нийтээр тэмдэглэдэггүй болсон юм. Харин тус баярын оронд Чингис хааны мэндэлсэн өдөр буюу Монгол бахархлыг өдрийг тэмдэглэдэг болсон юм. Хэрвээ АН-ынхан энэ өдрийг устгаагүй бол өнөөдөр ард иргэд бүх нийтээрээ гэртээ бөхөө үзээд амрах байлаа. Харин энэ жил өнөөдрийг хуучны МАХН буюу МАН л дурсан санаж байх шиг байна. Тэд өнөөдөр бөх барилдуулж, Д.Сүхбаатарын хөшөөнд цэцэг өргөхөөс эхлээд хэд хэдэн үйл ажиллагаа зохион байгуулж байна. Иймэрхүү байдлаар хэдэн жилийн дараа энэ өдөр мартагдаж мэдэхээр байна.
Сэтгэгдэл (16)