УИХ-ын нэгдсэн чуулган 40 гишүүнтэйгээр эхэллээ. 11 гишүүн гадаад томилолтоор ажиллаж байгаа юм. Өнөөдөр нийт долоон асуудал хэлэлцэхээр товлосон. Чуулганаар Шүүхийн иргэдийн төлөөлөгчийн эрх зүйн байдлын тухай хуулийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн дүгнэлтийг хэлэлцэж эхэллээ.
Үндсэн хуулийн цэцийн дүгнэлтийг Үндсэн хуулийн цэцийн гишүүн Б.Пүрэвням танилцуулж байгаа бол Хууль зүйн байнгын хорооны санал, дүгнэлтийг Улсын Их Хурлын гишүүн Р.Гончигдорж уншина. Үүний дараа Хилийн боомтын тухай хуулийн төслийг хэлэлцэх юм.
