Говьсүмбэр аймагт өнгөрсөн Орон нутгийн сонгуулиар дөрвөн тойрогт маргаан дэгдээд байсан. Тиймээс МАХН-аас Дээд шүүхэд нэхэмжлэл гаргаж хандсан. Тус нэхэмжлэлийн дагуу Дээд шүүхийн хяналтын шүүх хурал болж, Говьсүмбэр аймгийн дөрвөн тойрогт аймгийн Иргэдийн төлөөлөгчийг дахин сонгох шийдвэрийг гаргажээ. Өөрөөр хэлбэл Говьсүмбэр аймгийн дөрвөн тойрогт нөхөн сонгууль болохоор болж байна. Дээд шүүхийн гаргасан шийдвэр хөлдөшгүй буюу эцсийн дүгнэлт гэж хэлж болно. Тэгэхээр энэ удаагийн нөхөн сонгуулийн үр дүнгээс хамааран одоогийн сонгогдсон гэх Засаг даргыг албан тушаалд байлгах уу, үгүй юу гэдэг асуудал яригдах аж.