УИХ-ын дарга З.Энхболдыг төсвийн хуулийг зассан гэж МАН-ынхан шүүмжилж байсан ч сүүлийн өдрүүдэд таг, чиг боллоо. Хууль зөрчсөн үйлдэл гэж ихээр шүүмжилж байснаа гэнэт чимээгүй болсон нь олон нийт хийгээд УИХ-ын гишүүн О.Баасанхүүг бухимдуулсан бололтой. О.Баасанхүү гишүүн “Төсвийн хуулийг дураараа засаж байгаа З.Энхболд дарга МАН тай тохирсон бололтой. Нөгөөдүүл нь дугарахаа больсон байна” хэмээн бичжээ. Үнэхээр З.Энхболд дарга хууль зассан уу, эсвэл МАН-ынхан сүржигнэсэн үү гэдэг тодорхойгүй хэвээрээ л байна. Харин О.Баасанхүү гишүүний хувьд З.Энхболд даргыг дураараа хууль зассан гэж үзэж байгаа аж.