УИХ-ын чуулган өнөөдөр 09.00 цагт эхлэхээр товлосон ч одоо хүртэл эхлээгүй байна. Учир нь өнөөдөр УИХ-ын гишүүд бас л ажилдаа цагтаа ирсэнгүй. АН болон "Шударга ёс" эвслийн бүлгийн цөөн хэдэн гишүүн ирсэн байгаа бол МАН-ынхан сураг алга. Өчигдөр мөн байнгын хороодын ирц бүрдээгүйгээс болж хурал нь цуцлагдсан юм. Эх сурвалжийн мэдээлснээр 26 гишүүн гадаад, дотоодод томилолтоор ажиллаж байгаа аж.
   Олон нийт УИХ-ын дарга З.Энхболдод хандан гишүүдийг ажлаа хийхийг шаардаж, ирцээ бүрдүүлэх ёстой хэмээн шүүмжилсээр байгаа.

  Өнөөдөр чуулганаар хамгийн эхэнд Алтны худалдаанд ил, тод байдлыг бүрдүүлэх тухай хуулийн төслийг хэлэлцэхээр төлөвлөөд байгаа юм.