Төрийн ордонд "Архины хор хөнөөлийг бууруулахад бүх нийтийн оролцоо" үндэсний чуулган болж байна. Чуулганд ЭМЯ болон бусад холбогдох төрийн бус байгууллагууд оролцож байгаа юм.
    Энэ чуулганаас хүмүүсийн сонирхлыг хамгийн ихээр татсан нь Х.Баттулга сайдын илтгэл байлаа. Тэрбээр "Согтууруулах ундааны үйлдвэрлэлийн өнөөгийн байдал" сэдвээр илтгэсэн юм. Х.Баттулга сайд УИХ-д нэр дэвших хүний шалгуурт "архины бизнэс эрхэлдэггүй байх" гэсэн заалт хуулинд оруулахаар бэлтгэж байгаагаа дуулгасан юм.
    Тэрбээр архины хор хөнөөлийг дурдаад энэ заалтыг заавал хуулинд оруулна гэдгээ чуулганд оролцогчдод амласан байна.

   Өнөөдөр нэг монгол хүнд жилд 28 литр архи, согтууруулах ундаа ноогдож байгаа бөгөөд 100 хүний 20 нь архи хэтрүүлэн хэрэглэдэг гэсэн судалгаа гарчээ.