УИХ-ын чуулганаар гишүүд төсвийн орлого яагаад бүрдэхгүй байгаа талаар асуулаа. Үүнд Сангийн сайд Ч.Улаан хариулахдаа “Чингис бондын мөнгө бол төлөвлөсөн зүйлдээ зарцуулагдаад явж байгаа. Засгийн газрын агентлагуудын хувьд төсвийн орлого тасалдаж байгаа шалтгааныг үнэн зөв тогтоох ёстой. Тэгэж байж хэнд хариуцлага тооцохоо ярих хэрэгтэй. Шалгаад үзэхэд 90 гаруй хувь нь байгууллагуудын үйл ажиллагаатай шууд хамаарахгүйгээр тасалдсан байна. 6 сараас хойш татвар, гаалийн байгууллагад төсөв бүрдүүлэх аян зохион байгуулан ажиллаж байгаа. Оны эцэст дүн гарахаар тодорхой мэдээлэл өгнө” гэв. 
