МАН-ын нэрийг Хөвсгөлд аварсан УИХ-ын гишүүн Л.Энх-Амгалан бол "ах" намын идэвхтэн гишүүдийн нэг. Гэхдээ түүнийг 1990 онд Монголын Ардчилсан Холбооны гишүүн байсан гэдгийг тэр бүр хүмүүс мэдэхгүй болов уу. Тэгвэл тэрбээр 1990.2.10-нд Ардчилсан холбооны анхдугаар их хуралд Оросын оюутнуудыг төлөөлж үг хэлж байжээ. Тэр бүү хэл тус байгууллагын үйл ажиллагааг дэмждэг залуу байжээ. Нэгэн цагт "Ардчилал бол ард түмний өмч" хэмээн ярьж явсан тэрбээр хожим МАН-ын гишүүн болсон нь хамгийн сонин. Гэхдээ тэрээр "МОАХ-ын гишүүн байсан болохоос биш АН гишүүн байгаагүй. Үүнийгээ шүүхээр тогтоолгосон" гэж одоо ч хэлдэг.