УИХ дахь МАН-ын бүлэг хуралдаж, энэ долоо хоногт УИХ, байнгын хороодоор хэлэлцэх хуулийн төслүүдийг хэлэлцсэн байна.
Энэ долоо хоногийн УИХ-ын нэгдсэн чуулганаар " байгуулалтын хуулинд нэмэлт өөрчлөлт оруулах" тухай хуулийн төслийг оруулахаар хэлэлцэнэ. Энэ асуудал нь ард иргэдийн дунд нилээн хүлээлттэй байгаа хууль тус тус хуулийн төсөл дээр МАН-ын бүлгээс ажлын хэсэг гаргаж тодорхой байр сууринаас ажиллахаар болсон байна. Ажлын хэсэгт Д.Сумъяабазар, А.Тлейхан, С.Бямбацогт гишүүн нар ажиллахаар болжээ.  Мөн Хяналтын хэрэгжүүлэх журмын тухай хууль болон холбогдох хуулийн төслүүдэд нэмэлт өөрчлөлт оруулах тухай асуудлыг УИХ-аар хэлэлцэхтэй холбогдуулан ажлын хэсэг гаргаж ажиллахаар болсон байна. "Хилийн боомтын тухай хууль"ийн төслийн хэлэлцүүлэг хийгдэнэ. Энэ хуулийн хэлэлцүүлгийг хийхэд тодорхой тооцоо, судалгаа, дүгнэлтийг гаргаж ирэх хэрэгтэй гэж хойшлуулсан байна. Тэгвэл өмч хөрөнгийн талаар тодорхой болгосон дүгнэлтийг УИХ-д танилцуулахаар тохиролцжээ. Харин энэ үеэр Д.Оюунхорол гишүүнээс Н.Энхболд МАН-ын бүлгийн даргаас ямар учраас чөлөөлөгдөх болсон талаар тодруулахад "Өөрийн хүсэлтээр МАН-ын бүлгийн даргын ажлаас чөлөөлөгдөх хүсэлт гаргасан. Энэ асуудлыг МАН-ын Удирдах зөвлөлийн хурлаар хэлэлцэж, шийдвэрлэнэ гэж тогтсон байгаа. Удирдах зөвлөл энэ долоо хоногт хуралдаж, Н.Энхболд даргын асуудлыг шийдвэрлэнэ. Мөн Н.Энхболд даргын оронд хэн ирэхийг ч УЗ-ийн хурлаар шийдвэрлэнэ" гэлээ.