МАН-ын нэрийг Хөвсгөлд аварсан УИХ-ын гишүүн Л.Энх-Амгалан бол "ах" намын идэвхтэн гишүүдийн нэг. Өчигдөрхөн түүний  1990 онд Монголын Ардчилсан Холбооны гишүүн байсныг батлах баримт олонд ил болсон бөгөөд улмаар түүнийг АН-ын гишүүн байсан гэх яриа дэгдсэн билээ.

Энэ талаар тэрээр "МОАХ-ын гишүүн байсан болохоос биш АН гишүүн байгаагүй. Үүнийгээ шүүхээр тогтоолгосон" гэж одоо ч батлан хэлдэг. Ингээд ч зогсохгүй өчигдөрхөн өөрийн твиттер хуудсанд "Түүх үнэнээрээ байх сайхан. Намын гишүүний үнэмлэх, анкет 2-ыг минь аваад ирвэл 1000 $. Харин гүтгэсэн бол шүүхдэнэ" хэмээн жиргээд авсан байна.

Дээрх үгнээс нь болж түүнийг АН-ын гишүүн байсныг батлахыг хүсэх хүмүүсийн тоо нэмэгдэж дахин хоёр баримтыг олонд дэлгэлээ. Тодруулбал нэг нь Хөвсгөл аймгийн АН-ын архивын баримт,  нөгөө нь тус намд төлсөн түүний татварын баримт юм. Ингээд олон нийтийн цахим хуудсаар тархаад буй хоёр баримтыг дор нийтлэв.