МАН-ын дэргэдэх Нийгмийн ардчилал хүрээлэнгийн захирал байсан С.Мөнхбатыг хэдхэн хоногийн өмнө ажлаас нь чөлөөлсөн. Түүнийг МАН-ын дарга М.Энхболд ажлаас нь чөлөөлж оронд нь нарийн бичгийн даргын ахлах зөвлөхөөр ажиллаж байсан Я.Төмөрбаатарыг томилсон билээ. Тэгвэл С.Мөнхбат ажлаасаа халагдсан даруйдаа АН-ынхантай хамтарч ажиллаж эхэлсэн байна. Тэрбээр МАН-ын идэвхтэн гишүүн байсан бол одоо АН-ын үйл ажиллагааг дэмжсэн хүн болж, саяхан болж өнгөрсөн Ардчилалын баярын 24 жилийн ойд зориулсан хуралд үг хэлжээ. Түүний энэ үйлдлийг шүүмжлэх хүмүүс ч их байна.