УИХ-ын гишүүн Р.Амаржаргалын гишүүний эрхээсээ татгалзах асуудлын талаар парламентийн гишүүд байр сууриа илэрхийлж байна.

Ж.Батзандан: Монголын төрд шударга ёс гадуурхагддаг юм байна. Бүлэг, нам толгойд гарсан байна. Эрүүл ухаан биш, эрх мэдэлтэй цөөхөн хүн төрд гарсан юм байна. Шинжлэх ухаанч биш бөө мөргөл, шашин шүтдэг хүмүүс төр гарсан байна. Нам нэртэй бүлэг этгээдүүд төрд гараад удаж байгааг Р.Амаржаргал гишүүн эсэргүүцсэн. Р.Амаржаргал гишүүн гарсан ч эс гарсан ч энэ шударга ёсны тэмцлээ үргэлжлүүлнэ гэдэгт итгэж байна.

Ц.Нямдорж: У.Хүрэлсүхийг болохоор долоо хоногийн дотор явуулдаг, Р.Амаржаргалыг сар уядаг нь ямар учиртай вэ? Р.Амаржаргалын өргөдлийг ёсоор нь болгох ёстой. Сэтгэлгүй хүнийг энд суулгаж яах юм. 2004 оны сонгуульд АН-тай, намгүй энэ хүн суудал авчирч байсан. Р.Амаржаргал үнэний төлөө явж байгаад талархал илэрхийлье.

Г.Уянга: Цөөхөн эрүүл хvний нэг энэ танхимыг орхих гэж байгаад харамсаж байна.

С.Дэмбэрэл: Монголын банкны салбар эрүүл бөгөөд хэвийн байгаа. Хэцүүдсэн гэж Р.Амаржаргал гишүүн хэллээ. Надтай маргая гэвэл хэдэн өдөр ч маргахад бэлэн байна. Инфляци нэмэгдэж, хоёр оронтой болсон нь үнэн. Валютын ханш, үнийн өсөлт нэмэгдсэн байна. Гэхдээ таны хэлсэн шиг хүнд байдалд орсон уу гэвэл, үгүй гэж хэлье. Хорин жил тайлан бланс уншсан хүний хувьд ингэж дүгнэлээ.

   Яг одоо Р.Амаржаргал гишүүнийг чөлөөлөх асуудлаар нууц санал хураах гэж байна.