Оюутолгойн орд монголчуудад ашиггүй болсон гэх байр суурийг УИХ-ын гишүүдийн олонхи илэрхийлдэг. Тэр дундаа Г.Баярсайхан гишүүн ихээхэн шүүмжилдэг. Тэгвэл тэрбээр Монгол улсын нэр хүнд Оюутолгойн асуудлаас болж унаж байгаа тул өөрчлөлт хийх хэрэгтэй гэж байр сууриа илэрхийлсэн байна. Тодруулбал, тус ордод Монголын Засгийн газрын эзэмшдэг 34 хувийг зарах хэрэгтэй гэжээ. Г.Баярсайхан гишүүн "Монголын эзэмшиж байгаа 34 хувь бидэнд үр ашиг гэхээсээ илүү дараа болж байна. Болбол "Оюутолгой" ХХК-ийн 34 хувиа эх орондоо зарчих хэрэгтэй. Төр уул уурхайн салбарт гүнзгий ороод хэрэггүй. Татвараа аваад явж байхад болно" гэсэн байна.
  Тэрбээр өмнө нь УИХ-ын сонгуульд өрсөлдөж байхдаа сайд асан Д.Зоригтыг ихэд шүүмжилж, 34 хувийг нэмэх ёстой гэж байв. Харин одоо үүнийгээ мартаад 34 хувиа ч багасгая гэж байна. Хожимдсон ч гэсэн санадаг л санаа. Биелэхэд хэцүү ч боддог л бодол...