МАН-ын дарга М.Энхболд Ерөнхий сайд Н.Алтанхуягийг намуудын дарга нарын уулзалтанд урьсан ч тэрбээр ирээгүй. Өмнө нь намын даргаар сонгогдоод нэг л удаа уулзсан гэж ярьдаг ч сүүлийн үед түүний фракцын нэг эрхэм Ерөнхий сайдын өрөөгөөр байн байн эргэлдэх болжээ.
    Тодруулбал УИХ-ын гишүүн асан, М.Энхболдын шадар зөвлөх Т.Бадамжунай Ерөнхий сайд Н.Алтанхуягтай 4-5 удаа нууцаар уулзсан гэх мэдээлэл байна. Түүнийг Төрийн ордны нэг давхарт байдаг Ерөнхий сайдын өрөөний нууц хаалгаар орж, гарахыг харсан эх сурвалж ингэж мэдээллээ. Өмнө нь М.Энхболд, Н.Алтанхуяг нарыг уулзахдаа МАН Засгийн газарт орох талаар ярьсан хэмээн таамаглаж байсан ч Ерөнхий сайд үгүйсгэсэн байдаг. МАН-ын даргын зөвлөх Т.Бадамжунай ямар асуулаар зөвшилцөөд яваа нь мэдэгдэхгүй байгаа ч эрх баригч намын даргын өрөөгөөр эргэлдсээр байна.