Улсын Их Хурал дахь МАХН-МҮАН-ын Шударга ёс эвслийн бүлгийн хуралдаан боллоо. Энэ удаагийн хуралдаанаар ирэх долоо хоногт байнгын хороо болон УИХ-ын нэгдсэн чуулганаар хэлэлцэх хэд хэдэн хуулийн талаар байр сууриа нэгтгэсэн байна.

 Шударга ёс эвслийн бүлгийн дарга Н.Батцэрэгийн мэдээлснээр хуралдаанаар "Газрын тухай хууль"ийг нухацтай хэлэлцсэн байна. Бүлгийн гишүүд "Газрын тухай хууль"-ийн шинэчилсэн найруулгад газар эзэмших, ашиглах, өмчлөх зэрэг харилцааны асуудлыг авч хэлэлцсэн бөгөөд энэ дундаас газар өмчлүүлэх асуудлыг сайн нягтлах ёстой гэсэн дүгнэлтэд хүсэн аж. Олон мянган жил бэлчээрээ дундаа эзэмшээд ирсэн малчдад газрын өмчлүүлбэл маргаан гарахаас эхлээд сөрөг үр дагавар олонтой гэв.

Түүнээс гадна олон маргааныг дагуулсаар ирсэн УИХ-ын гишүүн хүн Засгийн газрын гишүүний албыг давхар хашихгүй гэсэн хуулийг энэ удаагийн парламентад бус 2016 оны долдугаар сарын 1-нээс хэрэгжүүлэх нь зөв гэж үзэж буйгаа илэрхийлсэн юм.