УИХ-ын гишүүн О.Баасанхүү Эдийн засгийн хөгжлийн сайд Н.Батбаяр, Сангийн сайд Ч.Улаан нарыг хариуцлагагүй, муу ажилласан гэж дүгнэж байгаа аж. Тиймээс ч огцруулахыг дэмжиж байгаа гэнэ.

Тэрбээр “Сүүлийн нэг жилд ард түмний амьдрал доройтож, эдийн засаг, төсөв хүндэрч байгаа учраас салбар хариуцсан хоёр сайд нь хариуцлага хүлээх ёстой. Тиймээс би огцруулах кноп дарна. Монголын ард түмэн тэдний муу ажиллаж байгааг харж байхад улайм, цайм хоёр сайдыг авч үлдэх нь буруу үйлдэл. Энэ бол ёс зүйд таарахгүй” гэв. Ингэснээр О.Баасанхүү бүлгийнхээ эсрэг байр суурьтай байгаа гэдгээ илтгэж байгаа юм. Учир нь УИХ дахь “Шудрага ёс” эвслийн бүлэг хоёр сайдыг огцруулахгүй гэсэн шийдвэрийг өчигдөр гаргасан билээ.

Т.Энхэлээ