УИХ-ын МАН-ын гишүүд чуулганаас хоёр хоногийн завсарлага авлаа. Учир нь өнөөдөр хурууны хээгээр ирц бүртгэх машин алдаатай ажилласан тул МАН-ын гишүүд ирцээ бүртгүүлж, санал өгөхөөс татгалзсан юм. Өнөө өглөө МАН-ын гишүүн Ө.Энхтүвшин ирцээ бүртгүүлэхдээ "Yes" гэж дарсан ч "No" гэж гарсан байна. Мөн 10 эмэгтэй гишүүн байхад уг төхөөрөмжинд 17 эмэгтэй гишүүн ирсэн гэж гарчээ. Тиймээс ийм алдаатай, "но"-той төхөөрөмж ашиглаж болохгүй гэж МАН-ын гишүүд эрс эсэргүүцэв. Мөн хурууны хээгээр ирц бүртгэнэ гэсэн хууль батлаагүй байж хэрэгжүүлж эхэлж байгаа нь буруу хэмээн шүүмжиллээ.
    МАН-ынхан ийнхүү завсарлага авсан тул өнөөдөр Ч.Улаан, Н.Батбаяр сайд нарын асуудлыг хэлэлцэхгүй болж, чуулган өндөрлөлөө.