Ерөнхий сайд Н.Алтанхуягийн УИХ-ын чуулганаар хийсэн хөдөлмөр эрхлэлтийн тухай мэдээллийн талаар цөөнхийн бүлгийг төлөөлж УИХ-ын гишүүн Н.Номтойбаяр үг хэллээ. Тэрбээр хөдөлмөр эрхлэлтийн тухай нарийн тоо, мэдээлэл дутмаг байдаг үед ийнхүү мэдээлэл хийсэн ч талархаж байгаа ч зарим тоо нь зөрүүтэй байгааг онцоллоо.

   "Нийгмийн хамгаалал, хөдөлмөрийн яамнаас бий болгосон гэж мэдээлж байгаа ажлын байрны тоонд иргэд өөрсдөө хөөцөлдөж олсон 20 мянган хүний тоог оруулсан байна. Тиймээс Ерөнхий сайд худал мэдээлэл хийлээ. Энэ жил 235 тэрбум төгрөгийг Нийгмийн хамгаалал, хөдөлмөрийн яаманд төсөвлөсөн. Энэ мөнгийг 19 мянган ажлын байранд хуваахад нэг хүнийг ажилтай болгоход 13 сая төгрөг зарцуулсан болж байна. Энэ мөнгөөр нэг жилийн турш 102 мянган хүнийг 12 сарын турш цалинжуулах боломжтой байжээ. Шинэчлэлийн Засгийн газар татвар төлөгчдийн мөнгөөр ийм үр ашиггүй ажил хийх байгаа, сэтгэл гаргахгүй байгаа тул хангалтгүй гэсэн дүн тавьж байна" гээд МАН-ын бүлгээс гаргасан дараах зөвлөмжийг танилцууллаа.

1.    Ажилгүйдэл, ядуурлыг бууруулах бодлого боловсруулахад хувийн хэвшлийн хөдөлмөр зуучлалын төв, ТББ-д төр хутгалдаж байгааг болиулах. Яамны зарим ажлыг хувийн хэвшилд шилжүүлэх.
2.    Хөдөлмөр эрхлэлэтийн бүртгэлийг НДШ-тай уялдуулан бодит тоо гаргадаг байх.
3.    Боловсролын салбараас хөдөлмөрийн зах зээлд шинээр орж буй иргэдийн71 хувийг их, дээд сургуулт төгсөгчид 29 хувийг МСҮт төгсөгчид эзэлж байна. Гэтэл хөдөлмөрийн зах зээл дээр МСҮТ төгсөгчдийн эрэлт их байгаа тул зах зээлийн харьцаа нь таарахгүй байна.
4.    Үндэсний аж, ахуйнуудыг бодлогоор гэж ярихаас илүү татварын хөнгөлөлт зэргээр бодитой дэмжих хэрэгтэй байна гэлээ.
       Ерөнхий сайд Н.Алтанхуягийн хөдөлмөр эрхлэлтийн тухай мэдээллийг бүрэн эхээр нь эндээс уншина уу.