Өнөөдөр хуваарийн дагуу АН-ын бүлгийн гишүүд хуралдлаа. Хурлаар Сангийн сайд Ч.Улаан, Эдийн засгийн хөгжлийн сайд Н.Батбаяр нарыг огцруулах асуудлыг энэ долоо хоногт хуулийн хугацаанд нь багтаан хэлэлцэх нь зүйтэй гэж үзлээ. Үүний тулд МАН-ын завсарлага аваад байгаа хурууны хээгээр ирц бүртгүүлэх асуудлыг түр хойшлуулахаар болжээ. Тодруулбал УИХ-ын гишүүдийн ирцийг хурууны хээгээр бүртгэх системийг УИХ-ын дэгийн тухай хуульд өөрчлөлт оруулсны дараа хэрэгжүүлэх хэрэгтэй гэсэн байр сууринд нэгдсэн байна. Ингэснээр хурууны хээгээр ирц бүртгэх системийг эсэргүүцэн завсарлага авсан МАН-ын бүлгийн гишүүд хуралдаа суух боломжтой болох юм. Мөн Эрдэс баялагийн салбарт төрөөс баримтлах бодлого батлах тухай УИХ-ын тогтоолыг энэ долоо хоногт УИХ-ын чуулганаар хэлэлцэх нь зүйтэй гэж АН-ын бүлгийн гишүүд үзсэн байна.