УИХ-ын гишүүн Ж.Батзандан энэ шинэ жилийг тохиолдуулан 300 хүүхдэд бэлэг тараахаар болжээ. Тэрээр энэ тухайгаа өөрийн твиттер хуудсаар мэдээлсэн боловч чухам яг хаана, ямар хүүхдүүдэд өгөхөө хараахан шийдээгүй байгаа бололтой. Учир нь тэрээр “Хүүхдүүдэд зориулж өвлийн өвгөний 300 бэлэг бэлдэв. Дүү нартаа бэлэг өгүүлэх хүcэлтэй хүн байвал манай туслахтай холбогдоорой” хэмээн жиргэжээ.

    Үүний дараагаар хүмүүс түүнд янз бүрийн санал хэлж эхлээд байна. Тухайлбал загвар өмсөгч Пүрэвмаа түүнээс Түлэнхийн төвд эмчлүүлж буй бяцхан хүүхдүүдэд бэлгээ өгөхийг гуйсан бол энэ тэндхийн асрамжийн газрын хүүхдүүдэд өг гэх хүмүүс ч байгаа юм.

  Хэдхэн хоногийн өмнө төрсөн ахыгаа огцруулах хүсэлт гаргаж “шоудсан” гишүүн ямартаа бяцхан хүүхдүүдийг бэлэг тараан баярлуулах нь ээ.