Ж.Батзандан гэж намын нөхдөөсөө зөрж ярьдаг нэг гишүүн бий боллоо. Тэрбээр Сангийн сайд Ч.Улаан, Эдийн засгийн хөгжлийн сайд Н.Батбаяр нарыг ажлаа өгөх нь зүйтэй, сайд нарын давхар дээлийг тайлах ёстой гэж намынхнаасаа зөрсөн тайлбар хийж байна. Өмнө нь ч мөн ажлаасаа чөлөөлөгдөх хүсэлт гаргасан Р.Амаржаргал гишүүнийг дэмжиж байгаагаа илэрхийлж бусдаас зөрж эхэлсэн. Тэгвэл сүүлийн үед түүнийг төрсөн ахыгаа ажлаас халуулах хүсэлт гаргасан нь бусдын ундууцлыг хүргэж байна. Үнэхээр Ж.Батзандан ахаасаа ичсэн үү, эсвэл ахынхаа алдаагаар ард иргэдээс оноо авах гэсэн үү гэдэг нь эргэлзээтэй. Уг нь өөрийнх нь нэрийг барьж танхайрсан, гаалийн ажилтныг сүрдүүлсэн ахыгаа өмөөрөх эрх түүнд байхгүй. Гэхдээ бас “ажлаас нь хал” гэж том дуугарах шаардлага байсан ч юм уу, үгүй ч юм уу. Наанаа шударга ёс хэмээн ярьж байгаа ч түүний энэ шоу арай дэндэж, жор нь хэтрээд байх шиг. Өмнө нь чуулганы танхимд ганцаараа зөрж ярьсаар "чанга дуут" гэдэг хоч авсан бол одоо түүнд хүргэн ахыгаа цаазалсан Хойд Солонгосын удирдагч шиг "Монголын Ким Чен Ун" гэдэг нэр өглөө. Гэхдээ тэрбээр үүнийгээ шударга ёсны төлөө хэмээн уран сайхан үгээр хучиж байгаа нь нэг л итгэл үнэмшилгүй сонсогдох.

- Төрийн ажлыг өгч ч, бас авч ч чаддаг байх хэрэгтэй. Энэ бол түр зуурынх.
- Би ахдаа хайртай, гэхдээ шударга ёс, эрх чөлөөнд илүү хайртай.
- Ах энэ зэргийн юмыг тоохгүй эр хvн. Ах нар үргэлж дүү нараа дотроо хайрлаж явдаг юм шүү дээ.
- Гэхдээ төрийн ажил бол өөр. Бид бүгдээрээ ах, дүүдээ хайртай. Гэхдээ буруу хайрлавал хорлосонтой адилхан шүү дээ.
- Ах тоохгүй бна. Тэр МоАХ-ын гишvvн болохоор найзууд нь л намайг загнаж байна. Амьдрал баян шүү дээ л гэж би хэллээ".
- Бид үнэт зүйлийнхээ төлөө үргэлж төлбөр төлдөг. Төлбөр нэхдэггүй үнэт зүйл гэж хаана ч үгүй. Эрх чөлөөний төлбөр илүү өндөр үнэтэй байдаг гэх зэргээр чихэр шиг үг урсгаж эхэллээ. Ах Ж.Батсүрэнгээ ажлаас нь халах хүсэлт гаргачихаад баатарлаг үйлс бүтээсэн юм шиг ярьж яваа нь нэг л хиймэл, дүр эсгэсэн харагдаад байна шүү.
    Ж.Батзандан гишүүн саяхан тагнуулын машин өөрийг нь өдөржин дагасан тухай хэвлэлийнхэнд сүр дуулиантай мэдэгдсэн. Ерөнхий сайдад хүртэл хандсан. Гэтэл тэр машин нь сүүлдээ тагнуулынх биш болж таарав шив. Энэ гишүүн маань сонгууль ойртоогүй байхад юуны төлөө ингэж шоу хийнэ вэ?