УИХ-ын чуулганаар Сангийн сайд Ч.Улаан, Эдийн засгийн хөгжлийн сайд Н.Батбаяр нарыг огцруулах асуудлыг хэлэлцэж, гишүүд үг хэлж байна. МАН-ын гишүүд Шинэчлэлийн Засгийн газрын үйл ажиллагааг шүүмжилж байгаа бол АН-ынхан хамгаалж байгаа
  УИХ-ын гишүүн Д.Лүндээжанцан: Алтан цээжтэй, мөнгөн бөгстэй гэж сурталчилаад байдаг. Яг амьдрал дээ.р Хоорондоо зөвшилцөөд явах гэхээр саа хийлээ, отон тоглолт хийлээ гээд байх юм. Тэртээ тэргүй аваад үлдэх юм чинь гэсэн хандлага байна. Огцруулах асуудал тваьж байна гэдэг болохгүй байгааг нь ойлгуулъя, цочооё гэсэн санаа. Д.Эрдэнбат даргад байнгын хороон дээр зөндөө загнууллаа. Ямар ч байсан хоёр сайдыг огцруулах асуудлыг тавьсан нь буруу гэж бодохгүй байна.

   УИХ-ын гишүүн С.Эрдэнэ: Сөрөг хүчин өөрсдөө энхийн цагаан тагтаа байсан юм шиг, байгуулагдаад жил болж байгаа Засгийн газрыг шүүмжлээд сууж байгаад гайхаж байна. 70,80 жил Монголын төрийг ээлжигүй эзэлчихээд өнөөдөр ард түмэндээ хайртай болж жүжиглэлээ. Монголын төрийн м өнгөөр баруун солгойгүй цацчихаад иргэдийн амьдрал хэцүү байна гэж яриад сууж байгаад ичиж байна. Яаж чадаж байна ээ? Сая төгрөгөө та нар иргэддээ өгөөгүй. Бид нар тэрийг чинь гүйцээгээд л өгсөн. Баасыг чинь цэвэрлэх гэж зөндөө цаг алдсан. Хэрэв тан нар эпийн засаг самарч хаяагүй бол ийм байдалд хүрэхгүй байсан. Та нар л өөрсдөө бэлэнчлэх сэтгэлгээнд сургаа биз дээ.

Ерөнхий сайд Н.Алтанхуяг: Өнгөрсөн хорин хэдэн жилд утаагаа арилгахгүй яасан юм бэ? Улаанбаатарын газрыг шийдэхгүй яасан юм бэ? гэж М.Энхболд даргад олон хэлсэн. Та амгалан царайлж суух хооронд арай дэндлээ. Юмыг битгий туйлшруулж хэл л дээ. Манай Шинэчлэлийн Засгийн газарт хийж чадахгүй асуудал байна. Та нарын замбараагүй олгсон газрыг янзлахад маш хүнд байдал үүсгэсэн. Өмнөх хийсэн, ярьсан юмаа бодоод наанатай цаанатай яримаар байна. Хорин жил яриад Замы-Үүдийн замыг холбож чадаагүйг бид хийсэн. Болж байгааг нь болж байна гэж хэл. Шүүмжилнэ гэдэг хорлон сүйтгэ гэсэн үг биш шүү. Ийм асуудлыг бондтой зэрэгцүүлж тавиад байгаа нь утгагүй гэв.

   Одоо гурван гишүүд үг хэлж дууссаны дараа сайд нарыг огцруулах эсэх асуудлаар санал хураах юм.