МАН 27-р их хурлаараа дотоод бүтэцдээ зарим нэг өөрчлөлт хийсэн. Тухайлбал, МАН-ын дэргэдэх зөвлөхүүдийн танхим байгуулахаар болсон.    Энэ танхимд МАН-аас нэр дэвшин, сонгогдсон үе үеийн Ерөнхийлөгч, Ерөнхий сайд, УИХ-ын дарга, намын дарга нар багтаж байгаа юм. Тэгвэл энэ зөвлөхүүдийн хурал өнөөдөр 11.00 цагт намын төв байр Тусгаар тогтнолын ордонд болох гэж байна.
   Энэ зөвлөхүүдийн танхим байгуулагдсан нь тус намын шинэчлэлийн бодлогын нэг хэсэг бөгөөд хуралдаанаар юу хэлэлцэх вэ?, ямар шийдвэр гаргах вэ гэдгийг олон нийт ихэд сонирхож байна.

   МАН-ын дэргэдэх зөвлөхүүдийн танхимд одоогийн байдлаар Ерөнхийлөгч асан Н.Баганбанди, Ерөнхий сайд асан Ш.Гунгаадорж, Д.Содном, С.Баяр, С.Батболд, УИХ-ын дарга асан Д.Лүндээжанцан, Д.Дэмбэрэл, Ц.Нямдорж, С.Төмөр-Очир нар багтаж байна. Мөн МАН-ын даргаар ажиллаж байсан Г.Очирбат, Б.Даш-Ёндон, Ө.Энхтүвшин, М.Энхболд нар зөвлөхүүдийн танхимд орж байгаа юм.