УИХ-ын гишүүн Г.Уянга Үндсэн хуулийн цэцэд Засгийн газрын эсрэг гомдол гаргасан талаараа мэдээллээ.  Тэрбээр Урт нэртэй хууль бол өмнөх Засгийн газар, парламентын хамгийн номер нэг хууль. Өөрөөр хэлбэл, Монгол орны сав газар, байгаль орчныг хамгаалахын тулд тэмцэж явсан олон хүний дэмжлэгээр батлагдсан хууль. Гэтэл Шинэчлэлийн Засгийн газар энэхүү хуулийг дагаж мөрдөх журам гэж оруулж ирж урт нэртэй хуульд тусгасан зайг нь багасгасан. Тодруулбал, урт нэртэй хуульд 500м гэсэн зайг 300м болгож өөрчилсөн. Үүнийгээ тэд гадаадын олон компаниудын лиценз цуцлагдаж, их хэмжээний мөнгө нэхэж эхэлсэнтэй холбон тайлбарлаж байна хэмээн мэдэгдэв.