УИХ дахь МАН-ын бүлэг цалин, тэтгэврийг 30 хувиар нэмэгдүүлэх шаардлагыг Ерөнхий  сайд Н.Алтанхуягт хүргүүллээ. Сүүлийн үед ард иргэдийн орлого нэмэгдэхгүй байгаа. Мөн худалдан авах чадвар нь муудсан.  2012 онд цалин тэтгэвэрийг 53.8 хувиар нэмснээс хойш өнөөдрийг хүртэл нэг ч төгрөг нэмэгдсэнгүй. Валютын ханш өссөн. Хоёр сайдыг огцруулах асуудлыг ярьж эхлэх үед 80-100 төгрөгөөр буусан боловч эргээд 1700 төгрөг болж байна. Үүнийг дагаад бараа бүтээгдэхүүний үнэ өсч байгаа. Засгийн газраас инфляцийг нэг оронтой тоонд барина гэсэн. Гэтэл инфляци энэ онд хоёр оронтой тоо руу орж 12 боллоо. Бараа бүтээгдэхүүний үнэ өсч байна. Тийм учраас цалин, тэтгэвэрий Цагаан сараас өмөнө 30 хувиар  нэмэх шаардлагатай гэж МАН-ын бүлгийн дарга С.Бямбацогт хэлэв.

Тиймээс УИХ дахь МАН-ын бүлгээс цалин, тэтгэвэрийг нэмэгдүүлэхээр таван хуулийн төсөл Засгийн газарт өргөн барьж байгаа юм байна.

Тухайлбал, Нийгмийн даатгалын сангийн тухай, Хөдөлмөрийн тухай, Төрийн албаны тухай, Нийгмийн халамжийн тухай, Хөдөлмөрийн хөлсний доод хэмжээг нэмэх тухай зэрэг таван хуулийн төсөлд өөрчлөлт оруулах төслөө маргааш Засгийн газарт өргөн барих юм байна. Харин өнөөдөр Засгийн газарт шаардлага хүргүүлж байгаа юм байна.

Одоогийн байдлаар төрийн албанд 210 мянган албан хаагч, үүний цаана гэр бүлийг нь тооцвол 840 орчим мянга, үүн дээр 320 мянган иргэн тэтгэвэр, 60 мянга нь тэтгэмж авдаг аж. Эдгээр хүмүүсийн цалин, тэтгэвэрийг нэмэгдүүлэхэд нэг жилд 759 тэрбум төгрөг шаардлагатай. Энэ жил цалин, тэтгэвэрийг нэмэгдүүлэхээр  235 тэрбум төгрөг суулгасан бөгөөд энэ нэгдүгээр сард багтаан Засгийн газраас 2014 оны Төсвийн тодотголыг өргөн барина. Тиймээс МАН-ын бүлгийн зүгээс 2014 оны Төсвийн тодотголдоо цалин, тэтгэврийн нэмэгдлийг тооцож