УИХ-ын гишүүн С.Одонтуяа, Д.Ганхуяг, С.Эрдэнэ, Л.Эрдэнэчимэг нар Хамтын тэтгэврийн тухай хууль санаачилснаа УИХ-ын дарга З.Энхболдод уржигдар өргөн барьсан билээ. Тэгвэл ХАХНХ-ын сайд С.Эрдэнэ өнөөдөр энэ хуулийн талаар мэдээлэл хийх гэж байна. Хэвлэлийн бага хурал 11.00 цагт Төрийн ордны Г танхимд болно. Хамтын тэтгэврийн тухай хууль батлагдсанаар Монгол Улсад 10 ба түүнээс дээш жил хамт амьдарч 20-иос доошгүй жил тэтгэврийн даатгалын шимтгэл төлсөн эхнэр, нөхрийн аль нэг нь тэтгэвэр тогтоолгосноос хойш нас барсан тохиолдолд гэр бүлийн хүн нь нөхөр буюу эхнэрийнхээ амьд сэрүүн байх хугацаанд авч байсан тэтгэврийг өөрийн амьдрах хугацаандаа үргэлжлүүлэн авах боломжийг олгох юм.
