УИХ-ын чуулганы өнөөдрийн хуралдаанаар Ашигт малтмалын тухай хуульд нэмэлт өөрчлөлт оруулах тухай хуулийн төслийн эцсийн хэлэлцүүлгийг хийж, гишүүдийн 53.3 хувь нь дэмжсэнээр төслийг баталлаа.

Уг хуулийг баталснаар Монголбанкинд алтаа тушаасан нөхцөлд рояльтын татварыг 2.5 хувиар тооцохоор боллоо. Одоо хүчин төгөлдөр үйлчилж байгаа хуулиар алтанд ногдуулж буй рояльтын татвар 10 хувь байгаа юм.

Татвар ийн өндөр байгаагаас Монгол Улсын нутаг дэвсгэр дээр олборлогдсон алтыг хууль бусаар хил давуулж, зарах явдал буурахгүй байгаа юм. Учир нь БНХАУ-д алтанд ногдуулдаг рояльтын татвар 2 хувь бол ОХУ-д 4 хувьтай байна. Тиймээс хоёр хөрштэй энэ төрлийн татвараар өрсөлдөх чадвартай байж, алтаа дотооддоо авч үлдэж, валютын нөөц бүрдүүлэхийн тулд дээрх хуулийн төслийг Засгийн газраас өргөн мэдүүлсэн нь ийн УИХ-аар өнөөдөр батлагдаж байна.

 Засгийн газраас Ашигт малтмалын тухай хуулийн төслийг өргөн мэдүүлсэн нь өнөөдөр хууль болж батлагдаж байна.