МАН-ын хашир, туршлагатай улс төрч Ц.Шаравдорж хэдэн өдрийн өмнө бууриа сэлгэж МАХН-д элссэн билээ. 

Тэгвэл тэрбээр МАН-ыг хаяж, МАХН-д элссэн шалтгаанаа доорх үндэслэлүүдээр тайлбарлалаа.

Тэрбээр “Улс төрийн сонголтын тухайд би хэсэг хугацаанд бодсон. Тэгээд өнөөгийн нөхцөлд МАХН-ыг сонгох хоёр шалтгаан байсан юм. Нэгдүгээрт би эхнээсээ л МАХН-ын гишүүн байж хуучин батлахаа хадгалж  байсан. Ингээд хуучин гишүүнчлэлээ сэргээх нь нэр цэвэр үйлдэл юм. Хоёрдугаарт МАН-ын бүхий л үйл ажиллагаа ур, дүйгүй байгаа учраас ийм сонголт хийлээ. Хүний тоглоом, хүчний адаг болж байгааг харахад харамсах, ичих, бухимдахын аль аль нь байх юм даа. Удаа дараа ялагдлуудыг харахад, бөхөөр бол “шалны алчуур” гэдэг л энэ байх гэж хэлмээр байх юм. МАН саяхан хуралдсан Их хурлаараа удирдлагаа залуужуулж, үйл ажиллагаандаа шинэчилсэн гэх боловч үнэн хэрэгтээ намынхаа урьд нь хэд хэд хуваагдсан ил далд фракц, бүлэглэлийн дотоод зөрчлийг дэвэргэн хурцатгаж, улам бүр жижгэрч бутрах үйл явцыг өдөөх шиг боллоо” гэв.

Т.Хулан