Сүүлийн үед УИХ-ын гишүүн Л.Эрдэнэчимэгийг хувьдаа архины үйлдвэртэй түүгээрээ дамжуулж “Домогт” нэртэй архийг үйлдвэрлэн гаргаж байгаа. Цаашлаад өөрт ашигтай байлгах үүднээс архидан согтуурахтай тэмцэх тухай хуульд өөрчлөлт оруулахаар төсөл боловсруулж байна гэх мэт мэдээлэл хэвлэлүүдээр цацагдсан. Үүнтэй холбогдуулж бид үнэхээр түүнд “Арвин ундарга” гэх архи үйлдвэрлэдэг компани байгаа эсэх талаар мөн “Домогт” гэх архийг үйлдвэрлэсэн нь үнэн, үгүйг өөрөөс нь тодрууллаа. - Сүүлийн өдрүүдэд таныг хувьдаа архины үйлдвэртэй гэх мэдээлэл их цацагдах боллоо. Энэ талаар та ямар тайлбар хийх вэ?
- Намайг архины үйлдвэртэй гэх мэдээлэл их цацагдаж байна. Гэхдээ надтай холбоотой архины үйлдвэр байхгүй. Энэ нь Архидан согтуурахтай холбоотой хуулийн төсөлд нэмэлт өөрчлөлт оруулахаар ажиллаж эхэлсэнтэй маань холбоотой байх.
- Ямар нэгэн байдлаар та “Арвин ундарга” компанид хувьцаа эзэмшдэг үү?
- Үгүй. Гадаадад томилолтоор хэд хоног ажиллаад иртэл ийм яриа гарсан байна. Ирээд энэ асуудлыг тодрууллаа. Би ийм компанийн талаар мэдэхгүй ээ. "Арвин ундарга" компани нь “Монос” компаниас хэдэн төрлийн эмийн ургамал авсан ба цаашид авахаар гэрээ хийсэн гэж байна лээ.
- “Домогт” нэртэй архитай “Монос” компани ямар нэгэн байдлаар холбоотой юм уу?
- Үгүй.
- Үгүй бол яагаад энэ архины нэр таньтай холбогдчихов оо?
- Надтай архины бизнесийг холбох гэсэн шалтгаан байгаа юм. Хууль гарах гэж байгаатай л холбоотой байх.
- Яагаад танай компанийн нэрийн өмнөөс “Дүнжингарав” худалдааны төвд зарж байсан юм бол?
- Надад тийм мэдээлэл өгөөгүй.
- Гэхдээ та цаашид архины бизнест хөл тавих уу?
- Тийм санаа байхгүй. Би үргэлж эрүүл мэндийн чиглэлийн ажил хийж ирсэн хүн.
Т.Энхэлээ
Сэтгэгдэл (2)