Өнөөдөр МАН-ын дарга М.Энхболдыг эсэргүүцсэн МАН-ын нөлөө бүхий гишүүд МАХН-д элсэж, батлахаа сэргээнэ гэж байсан ч МАН-ын нөлөө бүхий гишүүд ирсэнгүй.

Эх сурвалжийн хэлж буйгаар МАН-ын 200-аад гишүүн  МАХН-ын батлахаа сэргээнэ гэж байсан ч 100 гаруй гишүүд батлахаа сэргээсэн юм.  Юутай ч нөлөө бүхий гишүүд ямар учраас ирсэнгүйг МАХН-ынхнаас тодруулахад "Нөлөө бүхийн олны танил хүмүүс байгаа. Тэдэнд энэ хурлын дараа баталгааг нь гардуулна" гэв.

Харин үүнийг сонссон зарим хүмүүс  МАХН-ынхныг "бантчихлаа" хэмээж байна. Учир нь тэдний төлөвлөсөн, ярилцаж тохирсон хүмүүс ирээгүй нь ийн ярихад хүргэсэн байж болзошгүй юм.
Юутай ч үнэмлэх  гардуулах үеэр МАХН-ын дэд дарга Д.Тэрбишдагва “МАХН-ын үйл ажиллагаа сүүлийн сар жилүүдэд улам бүр дэвшиж, шинэчлэгдэж байгаа. Үүнээс хойш МАХН УИХ-д суудалтай, Монгол Улсын засгийн газрыг хамтран удирдаж байгаа том хүчин юм.  Олон жилийн түүхтэй намаа сэргээн ажиллуулах гол үүрэг гүйцэтгэсэн намын маань удирдлагуудад талархаж байна. Мөн намд шинээр элсэж буй бүх хүмүүстээ талархаж байна. Өнөөдөр МАХН-д бусад намууд болон намын гишүүн бус хүмүүс, МАХНынхаа балтахыг шинэчлүүлэхээр олон олон нөхдүүд маань санал ирүүлсэн. Тиймээс яг одоо МАХН-д олон хүн намынхаа батлахыг сэргээлгэж, МАН-аас МАХН-д орох,  намын гишүүнээр шинээр элссэн хүмүүстээ талархаж байна” гэсэн юм.